Hjónaskilnaðir og hrós dagsins :)

Skólinn gengur sinn vanagang.. maður er aldrei nógu duglegur en nú er nóvember gengin í garð og þá duga engar afsakanir!! Nú er það bara hlaðan á hverjum degi og fram á kvöld! Ræktin kl. 6 á morgnanna og eintómur dugnaður! Inn á milli fær maður sér fljótandi járn-sjúss og orkudrykk – milli þess sem maður maular nestið (sem maður auðvitað smyr heima fyrir daginn í kreppunni) En það er margt áhugavert sem kemur í ljós í náminu.. ég er í ýmsum mismunandi fögum; siðfræði, sálfræði, félagsfræði, líffærafræði og lífefnafræði.. og ég vildi óska að ég gæti prentað allt inní höfðið á mér og að ég hefði betra sjónminni þar sem það er svo margt spennandi og fræðandi sem væri gaman að muna! Kannski ég fari bara að blogga um það mest spennandi og fræðandi úr náminu... svona til að fræða aðra og rifja sjálf upp ;)

Í félagsfræðinni var t.d. rætt í gær um hjónaskilnaði og ástæður þeirra, og þær geta komið manni mjög á óvart.. t.d. finnst manni rökrétt að þegar aðili hefur skilið einu sinni þá læri hann af því og lagi sitt samband og láti næsta samband virka og manni finnst oft óeðlilegt að sumir skilji aftur og aftur.. falli alltaf í sömu gryfjuna, en rannsóknir sýna að það eru meiri ástæður á hjónaskilnaði hafi fyrri skilnaður orðið – hjá annað hvort öðrum aðilanum eða báðum! Mér fannst líka merkilegt að ef fólk byrjar ekki á að trúlofa sig eða að vera trúlofaður í soldinn tíma áður en gifting á sér stað – þá eru meiri líkur á skilnaði! Maður heyrir oft talað um að þegar fólk sé ólíkt þá byggi það hvort annað upp og að það sé jákvætt að vera ólík – hjónaskilnaðir eru aftur á móti mun líklegri hjá fólki sem er með ólíkan bakgrunn. Einnig finnst mér alveg makalaust að það séu meiri líkur á að þegar aðilar séu báðir úr þéttbýli að þá séu meiri líkur á hjónaskilnaði... en jæja nóg um hjónaskilnað!
Bara smá fróðleikspunktar fyrir ykkur yndislega fólkið sem les bloggið mitt! :)

Svo ætla ég að innleiða nýjan „fítus“ á blogginu mínu – hróshornið! Og mun héðan í frá enda hvert blogg með að hrósa einhverjum sem á það skilið :)

Í dag ætla ég að hrósa Þórdísi frænku fyrir öll spjöllin, allar kózýstundirnar, að eiga jafn yndislega dóttur og öll skutlin og förin út um allar trissur :) Hún er algjörlega frábær :*

Knús á alla í tilefni þessa föstudags :) Vona að öllum líði vel, kv. Halla Ósk

Rétt hugarfar í háskóla

Ég er byrjuð í hinni virðulegu stofnun Háskóla Íslands! Óvenju margir skráðu sig í ár og metskráning í t.d. hjúkrunafræðideildina! En eru allir að fara í skólann með rétt hugarfar eða er fólk bara í skóla í stað þess að sitja heima í atvinnuleysi? Auðvitað getur ekki verið neitt neikvætt við að ganga í skóla en spurningin er hvort að það hagnist hinum sem fara í skólann með "rétt" hugarfar..

Í tímum hjá mér er allt fullt af nemum, 240 nemendur í hverjum tíma.

Hvað er fólk að gera í háskóla sem að hangir í tímum á facebook allan daginn, inná leikjasíðum eða þaðan af verra! Fólk hagar sér eins og í framhaldsskóla eða jafnvel grunnskóla og stundum trúi ég ekki mínum eigin eyrum þegar salurinn hefur breyst í fuglabjarg og það heyrist ekki í kennaranum! Einnig skil ég ekki alveg hvað fólk er að gera í tímanum ef það fæ óstoppandi, gjallandi og mjög hávær hláturköst yfir einhverju á facebook eða öskrar "YESSSS" þegar kennarinn segir að tíminn sé búinn!

Svona fólk má nú bara vera heima hjá sér í stað þess að trufla tímann fyrir öðrum og sýna kennaranum virðingaleysi! Von mín er bara sú að þetta fólk komist svo ekki í gegnum klásusinn í staðinn fyrir þá sem virkilega eru þarna með hugann við hjúkrunarfræði, hafa metnaðinn og áhugan!
Vonandi "sigra" þeir "góðu" og komast í gegn í desember!
-en aðeins 120 manns komast áfram í des!

Aumingjar?

Eru Íslendingar í alvörunni að breytast í aumingja? Ég trúi því bara ekki upp á þjóðina.. að væla yfir atvinnuleysi og kreppu en taka svo ekki vinnu þegar hún býðst! Mér finnst þetta hneisa! Mér finnst reyndar líka hneysa að atvinnuleysisbætur séu hærri en sum laun! Það er út í hött.. en er ekki betra að vera í vinnu þó launin séu ekki upp á marga fiska heldur en að hanga heima upp í sófa alla daga að góna út í loftið.... hrikaleg þróun!

Auðvitað hefur þetta fólk sína hlið sem maður þekkir kannski ekki.. mögulega vill það ekki eyða sumrinu í að vinna (fólk sem hefur alltaf fengið sitt sumarfrí annars staðar) og vill því bíða með að fá sér vinnu þar til eftir sumarið.. einnig hefur fólk kannski engan áhuga á vinnunni sem býðst en mér finnst það harla góð afsökun (sérstaklega eftir að manni er oft boðin vinna (mismunandi býst ég við) og þiggur hana ekki)).

Ég vil ekki trúa því að við séum að breytast í aumingja.. að næsta kynslóð sé orðin svona.. mín kynslóð! Ég vil ekki trúa því.. Ég er amk þakklát fyrir að hafa mína vinnu þrátt fyrir að hún geti oft verið erfið og full mikil þá er ég þakklát og vona að fólk kjósi frekar að hafa vinnu en að hanga heima á bótum!

Annars er ég farin að lúlla.. Embla sys kemur í nótt og verður yfir helgina.. ýkt spennt! Knús, H.

Fréttablogg

Jæja nú verð ég að sýna lit og líf hér þannig að eitt tilgangslaust fréttablogg... stiklað á stóru!

Ég er komin með íbúð á stúdentagörðunum og brosi út að eyrum! Fæ hana 13.júlí og þetta verður æðislegt! Nú er bara að redda öllu sem þarf, borðum og dóti.. en það kemur allt í ljós og reddast örugglega allt saman :) Þið hendið amk ENGU ef þið ætlið að losa ykkur við e-ð þar sem ég gæti vel haft not fyrir það!

Næsta haust verður semsagt í RVK - á stúdentagörðunum - í hjúkrunarfræði (er komin inn!:D) og svo heima að vinna aðra hvora helgi á Fossheimum (elliheimilinu sem ég er á núna í sumar).

Annars er bara allt gott.. mikil vinna og alltaf nóg að gera en þá er bara að slaka vel á, þegar maður á frí :) Er alveg að verða búin með heklaða teppið mitt og þá er bara að skella sér í diskamotturnar :) Nú þarf ég að hafa hraðar hendur ef ég á að klára allt áður en ég fæ íbúðina - því það eru ekki nema hálfur mánuður í það takk fyrir :D

Vinnan er frábær, lífið er yndislegt og svefninn er ææði!

Fariði vel með ykkur, knús!

Hreyfing

Ég hef nýlega uppgötvað hugtakið "hreyfing".. hafði áður aldrei stundað neinar íþróttir eða haft einhverja unun að því að hreyfa mig og taka á.. nema mögulega í fótbolta í frímínútum - og þá var ég oftast í marki! En í vor ákvað ég að taka mig á og breyta þessum venjum. Skráði mig í Þrek og þoltíma sem eru í hádeginu tvisvar í viku og eru alveg frábærir! Fyrsti var auðvitað hell og ég að deyja eftir hann en í gær eftir hva ca. 2 vikur fann ég að þetta var bara gaman og gott! Hætti að gefast upp eða "svindla" með því að taka aaðeins færri armbeygjur á meðan þjálfarinn horfði ekki á. Kom úr tímanum full af orku, hjólaði heim og í sund en endaði reyndar í pizzu heima hjá Anný frænku... en það er algjört aukaatriði ;)

Í dag gengum við upp á Esjuna - ég, Steindór, Sandra, Arndís, Inga og Guðni - það var rosa gaman.. auðvitað algjört helvíti upp á við - enda ákváðum við að fylgja engum göngustígum heldur fórum okkar ótroðnu slóðir! En þvílík gleði þegar ég kom niður - þá var maður loks komin í rétta fílinginn og hefði alveg getað verið lengur! Það er líka stórkostlegt að ganga í íslenskri náttúru - sérstaklega í jafn geðveiku veðri og í dag, endalaus sól og taumlaus gleði!

Jæja.. sit hér í Skerjafirðinum skaðbrunninn eftir langan og troðin dag - Esjan, sund, barnaafmæli Orra og Sólný (systurbörn mín) og svo á landsleik í fótbolta (Ísland - Holland) sem var rosalegt fjör! ;) En njótið náttúrunnar og hreyfið ykkur nú í sumarblíðunni - það er frábært :) - a.m.k. eftirá... :)

Afmælisgrísinn að blogga

Jæja.. þá er maí að fara að verða búinn.. mikill afmælismánuður í fjölskyldunni þar sem Maggi frændi á afmæli 15.maí, mamma 18.maí, Embla systir 24.maí og ég 25.maí.. og svo auðvitað fleiri sem eru aðeins fjar manni. En það er líka búið að baka mikið þessa dagana!! Maggi frændi varð tvítugur (ekki 18....haha) og að tilefni dagsins ákváðum við systur að baka köku handa honum, súkkulaðiköku í laginu eins og rafmagnsgítar, með lakkrísreimum fyrir strengi og snuð fyrir skrúfur ;) Rosalega flottur! Á afmæli mömmu og Emblu gerði ég svo sitt hvora marengskökuna sem voru báðar hjartalaga og sætar :) Kannski fer maður bara að baka kökur í afmælisgjafir á krepputíð! ;)

Við frænkur; ég, Anný og Embla skelltum okkur á ekta sveitaballstónleika í gær með Hjördísi Geirs, Þorvaldi Halldórssyni, Labba í Glóru og fleiri góðum. Línudans og samkvæmisdansar dansaðir undir og svaka stuð! :) Maður reynir að vera svolítið menningarlegur þegar menningardagarnir Vor í Árborg er á svæðinu :)

En mikið er maður nú þakklátur fyrir lífið og tilveruna þegar maður sér tilkynningar um dauðaslys og það sem hryllilegra er, allt fólkið sem lifir af slysin en er skaddað (misilla sem betur fer) en sumir illa skaddaðir, ná sér aldrei. Þá er nú oft betra að deyja held ég... Dauðinn þarf ekki að vera það versta við bílslysin! Sáum nú um daginn í kastljósinu viðtal við stelpur sem að höfðu verið að spyrna og stórslösuðu sig, ein dó og önnur er illa sködduð!

Keyriði varlega ljúfurnar mínar og hafið það gott :* Afmælisknús til ykkar frá okkur Emblu afmælisgrísum :)

Ýmislegt að gerast

Jæja... eitt látlaust, grynnra og slakara en seinustu svaðablogg!

Dagurinn í dag er dagur sem fyllir mann af bjartsýni og jákvæðni. Veðrið er dásamlegt, skyggnið frábært og lífið einhvernvegin leikur við mann á svona dögum. Sumarið er svo sannarlega að koma með allri sinni dýrð og gleði :) Ég sit þessa dagana heima í hálfgerðri slökun þar sem skólinn er búinn og aðeins eitt próf í skólanum - 13.maí. En maður brallar nú ýmislegt þó maður sé heima við.

Er með mörg verkefni:
- er t.d. að hekla mér teppi núna sem er afskaplega skemmtilegt, er búin með 50 dúllur af 112 og bara kannski þrjár vikur síðan ég byrjaði þannig að það er bara allt sett í fimmta gír! Ætla að klára þetta teppi fyrir haustið þegar við förum að búa ;)
- svo er ég með saumaskap á fullu - er að sauma í diskamottur sem ég ætla líka að setja í búið ;)
- á prjónunum er ég allt með ýmislegt, eyrnaband, pils og tátiljur m.a.

Svo það er maargt hægt að gera! Auk þessa alls er ég að lesa Vonarstræti og að fara að byrja á Flugdrekahlauparanum. Þegar maður hefur ekkert að gera er sjónvarpið ágætur tímaþjófur auk þess sem eftirmiðdagslúrar eru dásamlegir!

En í dag skellti ég mér í krabbameinsskoðun - fjör, fjör - og kíktum svo á Þórdísi frænku og hana Stefaníu litlu uppáhalds. Svo ætla þær að koma eitthvað í heimsókn á næstu dögum þannig að það er bara gaman :) Auk þess sem við Embla skelltum okkur í mat og GREY'S hjá Anný frænku áðan, göngutúr og kózýtime þannig að þetta var voðalega ljúft :) Svo er framundan rosa 6 vikna námskeið - Þrek og þol - eða eins og ég segi stundum - Þel og Þrol - sem verður rosalegt fjör! ;)

Lífið er fullt af gleði og ánægju ef maður lítur þannig á það! Gengur ekkert annað :) En ég er farin að sofa! Góða nótt ljúfurnar og eigiði góða daga framundan :)